Tarefas 1º ESO para a semana do 30 marzo ao 3 de abril

Queridas e queridos!

Unha semana máis... Moito alento!

Para activar as nosas mentes, propoño estas tarefas. Xa sabedes as instrucións: ler con atención, argumentar e reparar na ortografía!

Tarefas de repaso:


  • Palabras homófonas: preme aquí

  • Ortografía do V e do B: preme aquí

  • Vocabulario: preme aquí

Tarefa de lectura: Premendo sobre o título  aparécevos o enlace da lectura de Relatos mínimos, de Agustín Fernández Paz. Lede e comentade a vosa opinión. Escribide vós un relato mínimo e mandádemo ao correo (natividadeborrajo@edu.xunta.gal).

Proposta de investigación: xa sabedes que o día 2 de abril é o día da Literatura Infantil e Xuvenil. Ben, encantaríame que buscarades información sobre: 
  • Por que ese día?
  • Que contos escribiu ese autor? Cales non coñecías?
E despois: 
  • Inspírate nun dos títulos e reescribe ti un conto. 
  • Cal é o libro ou conto que liches que máis che gustou? Por que?
Boa e feliz semana!!





Comentarios

Publicar un comentario

Publicacións populares deste blog

Letras galegas dende a casa!

Ola a todas e a todos!! A sorpresa de hoxe tráenvola outras dúas profesoras. Mirade o que vos contan e a ver se sabedes responder. Cales son escritoras que menciona Marta Casal? Cal é o nome da poetisa que escolleu Nati Diéguez? Por que di que a escolleu?  A ver que adiviña! E, xa sabedes, en galego, dende a casa! Feliz mes das letras!
Ler máis

Feliz verán a todas e todos!!!

Queridiñas e queridiños!  Remata o curso! Chegan as vacacións e o descanso... Lembrade unha boa lectura, unha boa música e unha conversa son bos compañeiros de lecer. E se son en galego, mellor aínda!! Bicos grandes, en galego e sen virus!
Ler máis

Aí ven o maio

Para rematar a semana queremos despedila por todo o grande co recitado do poema Aí vén o maio de Manuel Curros Enríquez interpretado por Jose Antonio Ledo Álvarez de 3ºESO. Nós tamén queremos un maio sen sen bruxas nin demos, un maio sen segas para a nosa lingua e cultura. Queremos un maio con nenas e nenos, un maio con falantes conscientes que senten orgullo do seu! Queremos 100 maios máis para a nosa lingua! Feliz vida en galego!
Ler máis