A lingua do Faílde

Seguimos analizando topónimos e esta vez comentámosvos o significado de Gustei. A súa orixe está en Villam Godestei , unha vila dun tal Godesteo. Godesteo é un nome de orixe xermánico, coa raíz GUT-, a mesma do inglés good ''bo'', o que non quere dicir que o home chamado así fose un suevo ou un visigodo; pois era un galego que levaba un nome xermánico porque se puxera de moda na alta Idade Media. Aquí vos deixamos varios exemplos de onde se rexistra a orixe do topónimo de Gustei.

Un día máis estamos aquí para ensinarvos como avanza o noso proxecto. Desta volta amosámosvos como vai collendo forma o mapa xigante cos nosos concellos. Unha vez rematado colocaremos os códigos QR e estará exposto para toda a comunidade educativa. Ata outra! https://docs.google.com/presentation/d/1csR8pK1HADn3hnFllLTlPRcyab7xYCaKpvHR3uIgZAc/edit?usp=sharing

Como ben sabedes estamos analizando os nosos topónimos e pedímoslle axuda a Gonzalo Navaza. El moi amablemente e desinteresadamente está colaborando co noso proxecto. Aquí vos deixamos unha captura na cal podedes observar que xa no ano 1004, Cudeiro aparecía no Tombo de Celanova coma Cutario.